mynd

þarna var ég í gær.

það var helvíti skemmtilegt.

biss

tökur í dag og tökur á morgun. 

rúturnar nálgast, hægt en örugglega, staðinn sem stefnt var á í upphafi.

 

afsakið en hvað er þetta með heimsóknafærslurnar eiginlega? á maður með mína greindavísitölu mögulega að skilja þetta?

flettingar í dag... innlit í dag... gestir í dag... hver er munurinn? IP tölur??

vassefúgg?? 

hjól, heiðar og framtíðin

maður getur ekki annað en dáðst að því fólki sem af elju tekur þátt í "hjólum í vinnu" átakinu sem stendur yfir um þessar mundir. víðast hvar eru aðstæður til hjólamennsku verri en engar og fólk beinlínis að leggja líf sitt og limi í hættu með athæfinu. veðrið er þó búið að vera nokkuð gott. rok og rigning í pásu, vonandi sem allra lengst. og heiðar minn, þú lofar mér að fara varlega elsku kallinn!

það er komið að kántdáni í kosningar og lokasprettur hafinn. við vinstri græn erum langt því frá eins og hjólreiðafólk að böðlast með herkjum til vinnu með storminn í fangið (þokkalega flott tenging). nei ó nei. meðbyrinn er mikill og við bjartsýn og hress. tími breytinga er að renna upp!

en það má ekkert slaka á. við íslendingar erum heimsmeistarar í gleymsku og stundum eins og ekki sé til neitt langtímaminni í höfðum okkar. stjórnarflokkarnir eru líka afar snjallir í að kasta ryki í augu, ekki síst blessaður framsóknarflokkurinn sem á einhvern undraverðan hátt nær alltaf að opna lokið á líkkistunni og skrönglast upp úr, til þess eins að halda áfram að klúðra.

nú ríður á að muna!

græn framtíð!

velferð fyrir alla!

GERUMEDDA!! 

X-V

pæling

The question is the story itself, and whether or not it means something is not for the story to tell.

var að lesa þetta og þetta harmónerar við ýmislegt sem ég er að pæla... mér finnst þetta kúl.

"harmónera"? "tilfinningar"? 

hvar endar þetta? gott á meðan ég fer ekki að tala um "hormón"... 

 

X-V 

tól

ég er glaður í dag. það hringdi í mig hugsun í gærkveldi, um það leyti sem ég var að leggjast á koddann. ég segi hugsun, en þetta var meira svona... hugsun slass tilfinning. það eru bara svo margir sem hafa ofnæmi fyrir þessu orði: tilfinning. og margir af þessum mörgu eru vinir mínir og ég er að reyna að gera þeim til hæfis, svo ég kalla þetta bara hugsun. höfum það þannig. 

þessi hugsun orðaði sig einhvern veginn svona: víkingur. þú ert ólíkindatól og þér eru allir vegir færir.

og þarna þykir mér kominn hinn rétti merkimiði: ólíkindatól.

ég er ólíkindatól. ég vil vera ólíkindatól. ég ætla að vera ólíkindatól. alltaf.

kategoríum sópað burt.

vegatálmar? ef einhverjir eru þá set ég í fimmta og fer í gegn.

það styttist í nýja framhaldssögu. 

góða helgi. 

dagurinn hennar mömmu

manneskjan sem ber ábyrgð á þessu öllu saman á afmæli í dag. mamma mín. það hvarflaði að mér að skella mynd af henni með færslunni. en svo hætti ég við, af því ég veit að mamma mín yrði ekkert hrifinn af því. ekki það að hún lesi þetta blaður mitt. mamma mín veit hvað internet er, en hvernig á að komast þangað er henni hulin ráðgáta. og það er ekkert að skemma fyrir henni daginn. hún hefur hingað til komist af án tölvu og nets og allra þeirra stórkostlegu möguleika og afþreyingu sem það býður upp á. frekar grípur hún í góða bók. það lesa fáir jafn mikið og hún mamma mín, og úrvalið er alhliða. rauðar ástarsögur renna niður með því sem kallað er af þeim sem þykjast vita meira en aðrir "heimsbókmenntir" og "stórvirki". mamma les þetta allt. 

bókaáhugi minn er etv. frá henni kominn. svo mikið er víst að ekki erfði ég athyglissýkina frá þessari hógværu konu. en ég er viss um, af því ég veit fyrir víst að ég hef ýmislegt gott til brunns að bera, að margt af því fékk ég frá henni. 

mamma mín er góð kona. ég elska hana mjög mikið.  

þótt þú lesir þetta ekki: innilega til hamingju með daginn. sjáumst á eftir. 

enn af uppáhalds

uppáhaldslagið mitt þessa stundina er worry till spring með sprengjuhöllinni.

það er vor í þessu.

ofsalega gott lag finnst mér. 

bíó

ég er búinn að vera á leið í brúðkaup úti í sveit alla helgina. ekki enn kominn á leiðarenda. nánari útskýring: ég er að taka þátt í mjög spennandi pródjekti, fer með hlutverk í kvikmynd í leikstjórn valdísar óskarsdóttur, sem til þessa er þekktust fyrir klippisnilld sína (tilnefnd til óskars fyrir eternal sunset for a spotless mind). helgin búin að fara í þetta, fyrir utan kvöldin sem fóru í ást, og næturnar sem fóru líka í ást.  dagana 14-18 maí heldur svo kast og krú á snæfellsnes þar sem haldið verður áfram þar sem frá var horfið í gær. skemmtilegt!

dagurinn í dag býður upp á rólegheit, dóttir mín tók sér frí frá skóla, búin að vera að hósta soldið hressilega alla helgina og við ákváðum í sameiningu að hún yrði heima og reyndi að ná þessu úr sér. sonur minn hins vegar óhress með að vera við hestaheilsu og fá ekki fríið líka. góð heilsa er að hans mati gróflega ofmetið fyrirbæri.

og á morgun er 1. maí.

og það styttist í kosningar. rétt að ítreka hér að lokum mikilvægi þess að kjósa rétt. það er kominn tími á breytingar, framtíðin þarf að bera í skauti sér nýja tíma. og þeir tímar fylgja ekki þeim flokkum sem nú eru við völd!  

helgarpabbi

ákaflega annasöm helgi í vændum. vinna frá snemmmorgni fram á kvöld bæði laugardag og sunnudag. bíó á daginn, leikhús á kvöldin. óneitanlega skemmtilegt, gaman að vinna vinnuna mína, en ég er soldið eins og þorgerður katrín, berst við samviskubitið. af því börnin manns eiga jú að vera í fyrstu sætum listans og þau áttu einmitt að eiga pabba, sem einmitt er nýkominn frá útlöndum, þessa helgi.

keypti ég nammi í tollinum? ýkt þokkalega. allar brellurnar í bókinni notaðar.

allt fer vel. 

eða eins og sænski vinur minn ola myndi segja: dette her er superkul.

góðar stundir! 

það sem sagt er...

ég er kominn heim. og á meðan ég var í burtu var flagginu augljóslega formlega veifað og flokkarnir brunuðu af stað. auglýsingaholskeflan... úffúffúff. ég veit ég ekki að segja þetta, verandi í framboði og svona. en eitthvað finnst mér þetta alltaf ógeðfelt, get ekki að því gert. ég er líklega ekki upprennandi stjórnmálamaður (takið eftir að ég nota ekki orðið aldrei, af því að það orð hefur ekki tilverurétt).

á  risaplagati sem blasir við þegar maður ekur inn í þann fagra bæ hafnarfjörð má sjá frambjóðendur sjálfstæðisflokksins uppstillta og brosandi og fyrir ofan stendur: NÝIR TÍMAR! 

nýir tímar? kommonn! meira að segja framsóknarmönnum datt ekki slík hræsni í hug. þeir keyra á ÁFRAM ÁFRAM, BREYTUM EKKI! eða eitthvað í þá veru. það verður að teljast nokkuð heiðarlegt.

hvernig í ósköpunum gæti það að fá yfir sig sjálfstæðisflokk, sem í ÖLL þessi ár hefur ráðið hér ríkjum, hvernig í alveröldinni á það að geta markað NÝJA TÍMA?

nýjan hugmyndasmið. þessi er ekki að vinna fyrir laununum sínum.