hler

hvað sem um jón baldvin hannibalsson má segja, þá er ég sammála honum um eftirfarandi: hlerunarmálið margumrædda og "afgreiðsla" þess í kerfinu er svo mikið bull og lýsir svo vel hvers lags bananalýðveldi við lifum í, að aumingjahrollurinn flæðir upp fyrir alla bakka. stundum, í íslenskri þjóðfélagsumræðu, leyfir einstaka manneskja sér að spyrja sem svo: hvernig yrði tekið á álíka málum í öðrum löndum? þessum spurningum er oft svarað og staðreyndirnar dregnar fram, en eins og algilt er um slíka umræðu hér á landi nær hún ekki lengra en á tungu þeirra sem hafa orð á þessu. hún þykir banal og er þögguð niður sem jaml og japl.

ég er ekkert sérstaklega hliðhollur samsæriskenningum. mér finnst samt undarlegt hvernig jafn alvarlegt mál og hleranir á símum stjórnmálamanna er látin í léttu rúmi liggja. forsvarsmenn sjálfstæðisflokksins glotta út í annað og gera lítið úr henni, eins og þetta sé bara allt saman soldið fyndið. og auðvitað vita þeir sínu viti. hlerunarmálið er old news. almenningur alveg hættur að pæla í því. ekki fallið heldur kyrfilega grafið í gleymskunnar dá. dofi. dofi. dofi dofi dofi.

syngdu með mér guðbergur: dofidofidofidofidofidofidofidofidofidofidofidofi... 

jón baldvin hannibalsson heldur því fram að það hafi verið hleraður hjá honum síminn. sýslumaðurinn á akranesi, af öllum mönnum, er settur í að "rannsaka" málið. hann hefur nú gefið út yfirlýsingu um að ekkert sé hæft í þessu. jón baldvin er staddur í riga og fær ekki að heyra um þetta fyrr en fréttamaður hringir í hann og spyr hann álits. og hann segir, og enn er ég sammála: "þetta kemur mér ekkert á óvart. þetta er sýndarmennska og niðurstaðan gat ekki orðið önnur."

púff.

Athugasemdir

[Heiðar Birnir, 22.12.2006 kl. 09:49]

Og síminn var hleraður hjá honum þegar hann var ráðherra.  Utanríkisráðherra ef ég man rétt.  Eitt virðingamesta embætti þjóðarinnar.  Ég er sammála þér minn kæri; [þetta er] bananalýðveldi sem við lifum í.  Ég held að hausar hefðu fengið að fjúka í öllum öðrum löndum, nema kannski í fyrrum Sovét og svörtustu Afríku.  Maður er nokk þreyttur á öllu þessu bulli og yfirgangi.

[eva (IP-tala skráð) 22.12.2006 kl. 11:22]

Ertu búinn að láta athuga símann hjá þér víkingur minn?!!! 

ps. Er það ekki einmitt í fyrrum sovét og svörtustu afríku sem hausar myndu bókstaflega fjúka??:)

[Heiðar Birnir, 22.12.2006 kl. 15:45]

Ég held að hausar þeirra sem stunduðu það að hlera síma hefðu einmitt ekki fengið að fjúka í fyrrum Sovét.  Þar þótti þetta sjálfsagt. Eða?