soddan gor det til

ég átti dásamlega helgi í danmörku, hjá hullunni minni, hennar stórskemmtilega manni, eiríki og drengjunum þeirra. eiríkur hefur einmitt tvíburarödd helga vinar míns seljan. það tók mig dálitla stund að venjast þessu, líkindin eru alveg fáranleg. 

þarna át ég þær bestu nautasteikur sem ég hefi smakkað, matreiddar af margnefndum eiríki (þetta fer að hljóma eins og ég sé bálskotinn í manninum!), rifjaði upp gamla góða daga okkar hullu, auk þess að ræða um lífið og tilveruna eins og hún blasir við okkur í dag.

laugardagskvöldið var sérdeilis skemmtilegt. eftir að hafa horft beint á íslenskt sjónvarp af netinu, tók við innrás á youtube þar sem við grófum upp margan gullmolann. ég gef ykkur hér örfá dæmi: exhibit 1, exhibit 2, exhibit 3, exhibit 4. kannski rétt að taka fram að síðasta dæmið er náttulega ALVÖRU gullmoli og á kannski ekki alveg heima með hinum. þeas að mínu mati. aðrir kunna etv að vera þessu ósammála, þótt það geti tæplega verið. ha? þetta sýnir þó hversu breitt svið við skönnuðum. þvílíkur var hamurinn.

núna er ég kominn aftur "heim". tók lest sem lenti í berlín seint í gærkveldi. við tekur nístandi alvarleikinn, laus við gleði, laus við ánægju, háalvarleg ritstörf, hin meitluðu meiningarfullu orð, tár, blóð...

(innsog).  

Athugasemdir

[Hulla (IP-tala skráð) 29.10.2007 kl. 15:44]

Dásamleg helgi er nú varla rétta orðið, ég er í skýjunum og við Eiki grétum okkur í svefn í gærkvöldi  söknuðurinn gríðalegur.

En þú verður bara að koma aftur, ekkert smá mikið af lögum sem við eigum eftir að skoða .

Þúsund þakkir fyrir að vera til og ekki ofgera þér á ritstörfum og ljóðasaminingi...

 Hulla og Eiki

[Eiki (IP-tala skráð) 30.10.2007 kl. 17:39]

Ja ég segi nú kannski ekki að ég hafi grátið mig í svefn

en já ég grét. 

Mest þó yfir heilsunni enda hef ég sjaldan drukkið og étið eins mikið á svo stuttum tíma ;)

þetta var helvíti gott :) vertu velkominn hvenar sem er.

Kv Eiki