hvítur fáni

eitt af markmiðum mínum hér í berlín er að taka nútímamyndlist í sátt. þar hef ég oft og iðulega dregið fram stóran stimpil þar sem á stendur: ÓMERKILEGT DRASL og þrykkt honum fast á nánast allt sem ég sé.

lítil virðing í því. bölvaður hroki og ekkert annað. vissulega þarf mér ekki að líka það sem ég sé. en þar með er ekki sagt að afurð listamannsins sem í hlut á sé drasl.

"who do you think you are?"

ég fór á myndlistarsýningu í gær, í galleríi sem heitir bethanien og þykir með þeim virðulegri hér í borg. 

mér fannst ekki gaman. ég var ekki hrifinn. en ég skildi stimpilinn eftir heima. 

meira fannst mér gaman í anddyri staðarins. þar var búið að líma fullt af límmiðum á glugga og veggi. skemmtilegt krot, skemmtilegar teikningar, skemmtilegar ljósmyndir og skemmtilegar setningar.

á einum þeirra stóð:

HOW MUCH ART CAN U TAKE?? 

Athugasemdir

[Vignir Rafn Valþórsson, 22.9.2007 kl. 20:07]

Farðu á Hamburger Bahnhof safnið.  Það er rétt hjá Hauptbahnhof lestastöðinni.  Gömul lestarstöð með fánum og neonljósum.  Bæði flottar fastar sýningar og alltaf skemmtilegar aukasýningar.  Mundu bara að taka þér góðan tíma, það er risastórt.

Svo eru fullt af litlum gallerýum í Prenzlauer Berg...

Prófaðu að sjá öll verk fyrir þér sem leikmynd...