jessin

í dag sagði ég upp leigusamningi um hellinn. eftir septembermánuð halla ég höfði mínu annars staðar. hvar? um það hef ég ekki hugmynd. ég er með plön sem vonandi verða að veruleika en áður en ég get sagt 100% að svo verði, þurfa þeir sem mestu ráða í þeirri ákvarðanatöku að gefa samþykki sitt. 

loðnara getur þetta tæpast orðið.

læt fylgja hér mynd tekna frá útidyrunum hjá mér. já merkilegt nokk þá er hurð á hellinum. er þetta ekki nánast eins og settöpp í Síðasti bærinn í dalnum? vantar bara kistuna fljúgandi. tröllin eru til staðar. þau búa einmitt í hellinum.

annars leikur lífið við tröllkallinn þessa dagana. það er einhvern veginn allt að ganga upp og á þann veg sem mér hentar. endalaus jess í loftinu, kyssandi á mér kollinn.

svo er bara að sjá hvað ákvarðanatökuaðilar hafa um áðurnefndar fyrirætlanir að segja.  

Athugasemdir

[Eva Signý (IP-tala skráð) 11.8.2007 kl. 04:01]

það lítur út fyrir að ég sé komin með samkeppni í 'hamingjusamasta manneskja í heimi'! Er keppt í karla og kvenna.. eru aldursriðlar.. eða keppum við um sama bikar? En það skiptir ekki máli.. ég lofa að deila honum með þér ef ég vinn :)

knús handa þér!

[Katrín Snæhólm Baldursdóttir, 12.8.2007 kl. 23:55]

Já já já já já já og já!!!!!!! Alveg endalaust af jáum alls staðar þessa dagana.