listaverkamaður

í sumar hef ég sumsé verið að bóna gólf. bróðir minn er innsti koppur í búri hjá fyrirtæki sem sérhæfir sig í hvers kyns gólfþjónustu. parketlögnum, gólfbóni, pússeríi og alls konar og hann fékk mig í vinnu, enda brjálað að gera. allir að láta bóna gólfin sín. fátt jafn fallegt og nýbónaður dúkur. og ég bónaði bara og bónaði eins og vitlaus maður. sigurjóni digra hefði svelgst á hefði hann séð til mín. kaffið hans gusast útum allt. sem er náttulega alveg bannað þegar verið er að bóna. 

hélt ég færi að bóna í dag. svo fór ekki. sem var fínt, því í staðinn sat ég við skriftir. vann í sögu sem ber vinnutitilinn: En þú Aníta? 

ótrúlegt hvað maður er fjölhæfur. 

Athugasemdir

[Erla Ósk Arnardóttir Lilliendahl, 8.8.2007 kl. 00:13]

Spennandi ....

[Hulla (IP-tala skráð) 8.8.2007 kl. 12:33]

Já þú ERT fjölhæfur. Ég fékk tildæmis email frá þér á dulmáli, sem ég er nýbúin að ná að ráða.
Mjög sniðugt

Vona að gangi vel hjá þér og vona að ég nái að kíkja bráðum á þig, þar sem þú kemst ekki hingað á næstunni.

Knús frá Frú DanJensen