álög

hvað hét hann aftur kóngurinn í hringadróttins sögu sem var í álögum og leyfði hinum illa ráðgjafa að stjórna ríkinu eftir sínu höfði. sat bara stjarfur í hásætinu og ráðgjafinn, sem í bíómyndinni var alveg ótrúlega vondur og slóttugur í framan, leikinn af gaurnum sem lék í gaukshreiðrinu og ég man ekki heldur hvað heitir, sá þurfti ekki annað en að hvísla einhverju í eyra konungs og þá sagði hann já og já og já við öllu saman.

guðjón kóngurinn? útlendingahatarinn ráðgjafinn? guðjón í álögum? nei, samlíkingin kom bara sísona. guðjón talar alla vega eins og hann sé í álögum.

frjálslyndi flokkurinn fundaði og niðurstaðan var ótvíræð. ekkert athugavert við kosningarnar, hvorki framkvæmd þeirra né niðurstöður. ég spurði útvarpið: guðjón minn. ertu að djóka? honum fannst ekki taka því að svara.

silfuregill spáir því að frjálslyndi flokkurinn fari stækkandi fram að kosningum. rasistar og aðrir grunnhyggnir eigi eftir að flykkjast þangað inn, glaðhlakkandi yfir að hafa loks fundið sinn málsvara. ég vona innilega að egill hafi rangt fyrir sér, en mig grunar að hann spái rétt. 

sorglegt. 

Athugasemdir

[Berglind (IP-tala skráð) 1.2.2007 kl. 18:51]

Heyrðu hvar er nágranninn?? Á eftir að lesa síðustu tvo kaflana...ekki segja mér að þú sért búin að taka þá út??

[Halldór (IP-tala skráð) 2.2.2007 kl. 06:09]

Ég er í sömu stöðu og Berglind....sakna sárlega síðustu kaflanna í þessari frábæru sögu! Ég vona svo sannarlega að Nágranninn kíki aftur í heimsókn, í amk einn dag!

[Hjördís (IP-tala skráð) 6.2.2007 kl. 10:16]

Kóngurinn hét Þjóðan, veit ekki með vonda gaurinn. Er Vondi gaurinn ekki bara gott nafn á hann?

Hjördís sem einu sinni var með þér í Reykjanesi.- og Hullu og Þóru og Gullu og bróður þínum og einhverju endalausu öðru liði.